Os trebellos son ferramentas creadas polos usuarios, non son parte do software que fai funcionar a Wikipedia. Os trebellos están clasificados segundo o seu ámbito de actuación. Cómpre ter en conta que os trebellos adoitan necesitar JavaScript, de modo que é necesario telo activado para que funcionen.
{{En uso}}
==Outras ferramentas==
===Mudar o nome de usuario===
Para mudares o teu nome de usuario tes que facer unha solicitude en '''[[Wikipedia:Taboleiro dos administradores/Renomear usuarios]]'''. Estes proceso deberá ser levado a cabo por un [[Wikipedia:Burócratas|burócrata]] e deste xeito poderás conservar o teu historial de contribucións.
Cómpre ter en conta que as sinaturas nas páxinas de conversa non mudarán co cambio de nome de usuario, polo que o antigo nome quedará como unha redirección cara ao novo.
===Preferencias do navegador===
Os navegadores normalmente permiten que se lle indiquen certas preferencias, como o tamaño e tipo da fonte. A aparencia por omisión é compatíbel coas preferencias de tamaño e tipo de fonte do teu navegador. A aparencia "Cologne Blue" mostra a maior parte do texto nun tamaño de fotne fixo, ignorando as especificacións do navegador. Algúns navegadores permítenche especificar que desexas ignorar o tamaño da fonte indicado na páxina web. Neste caso, o tamaño da fonte en "Cologne Blue" é o que especifique o navegador, pero sen axustar o tamaño da liña, co que as fontes demasiado grandes producen un resultado incómodo.
===Utilizar a túa folla de estilo propia===
A aparencia visual de MediaWiki baséase no uso de [[Folla de estilo|Follas de estilo]]. Podes indicar as túas definicións CSS propias e pasar así por riba da configuración predeterminada. Consulta [[Axuda:Estilo de usuario]].
