Fatalismo

Fatalismo (Con anacos do meu interior) Manuel Antonio 1920

    Pra que os pinos falasen
    unha dor ten o vento
    Quen sabe o que dixeron
ó cruzarse co morto...!
    Pra que os pinos falasen
    unha dor ten o vento
    Quen sabe o que dixeron
    Foi pra non voltar máis
    polo camiño torto.

    As cruces dos camiños
teñen remordemento
    Foise a pousar un corvo
na cruz dun camiñante
    As cruces dos camiños
teñen remordemento
    Foise a pór un mascato
na cruz dun navegante.
    Hai camiños que van
e hai camiños que volven
    Agora non vai auga
na canle do muíño
    Hai camiños que van
e hai camiños que volven
    O neno
         está xogando
cun mundo pequeniño....

<<<<

>>>>